Ciòc de bàle

A ghè piö i ciòc de ì
di tép bèi e genuì,
a l'è morta l'alegria
a l'è fenida la compagnia.

An se àrda come forester
e ognù al pensa ai sò mester
ma imbreac de confusiü
 e piè de pure e delusiù
an s'è fac ol sanc catif:
malac de fidec sensa bif...

Ciòc de parole e de piaser
balurc de politiche e marosser
an gà de bif per mia negà
aqua 'n boca per mia parlà,
e an gà töc sit de erità
e töc an predica onestà....

ma an gà malfà a èdes a e capìs...
e alüra... lìè mei iga ün asen per amis!
orege grande per scùltas
öc sincer per specias
intendes sensa tirà pesade
come 'n fa noter coi molade!

L'è de moda das di arie coi talenc
per someà töc brae e 'nteligenc
ma ghè amò bisogn de asegn per fà armonia
e de ciòc sincer per fà... poesia...
e se me sö ü de chèi..
 me fà piaser chi asegn i seès i mè fradei!